صحت

 د هند په يوه ايالتي روغتون کې په تېرو پنځو ورځوکې د شپيتو تنو ماشومانو مړينه

  د هند د اوتارپرادش ايالت په يوه دولتي روغتون کې په تيرو پنځو ورځوکې د شپيتو تنو ماشومانو مړينه په يوه ملي ناتار بدله شوې ده او روغتون د رييس دنده ځنډول شوې ده .

 زياتره هغه ماشومان چې په دې روغتون کې مړه شوي دي، د څو ورځو نوي زيږيدلي ماشومان وو.

 داسې ادعاګانې طرحه شوې دي چې روغتون د تجهيزاتو د يوه وړاندې کوونکي پوروړلى و او د اکسيجن په مخزنونوکې د ګازو فشار په کمښت سره ماشومانو د اکسيجن د کمښت په دليل وژل شوي دي.

 د روغتون مقامات او د هغه د تجهيزاتو تامينوونکى شرکت دغه ادعا ردوي.

په پنځو ورځوکې د دغه شمېر ماشومانو مړينې د قهر او غوصې څپې را پارولې دي.

 د هند د صدر اعظم  نارندار مودي دفتر  ويلي دي  چې مودي حالت څاري.

 د روغتون د کارکوونکو د ناغيړى د احتمال په باره کې د تحقيق لپاره يوه کمېټه جوړه شوې ده.

 د هند حکومتي مقاماتو ويلي دي چې د اګست په مياشت کې تل د مړينې شمېر لوړ دى.

 د اوتار پرادش ايالت يوه پارلماني استازي هم ويلي دي چې هره ورځ په منځنى ډول له اتو تنو څخه تر لسو تنو پورې په دغه روغتون کې مري .

  يوشمېر بستر شوي ماشومان په مغزي ميکروب اخته وو. دغه ويروسي ستونزه په اوتار پرادش ايالت کې کال په کال په سلګونو تنه وژني.

نظر بدهید